قم يالمقهوي...

وهي للشاعر : لمبارك بن عبيكه بن رمال



قم يالمقهوي دن نجر ومحماس
............واحمس لنا من حب صنعا نماها
احمس وزين حمسة البن بقياس
..............دقــه ولقمهـا وعـجل سواهـا
وصبه لممرور على الخيل مدباس
..............تقفي عنه صم الرمك لانصاها
من فوق ماتاخذ على الخيل مرواس
,............لاجدعت خبثات الانفس حذاها
واثنه لمن حوله على الزبر جلاس
..............اهل السموت اللي بعيد مداها
ابن عبيكه هرجته مابها باس
..........تطرب لها كرام اللحى من حلاها
طول الجدار وقصرة الرجل نوماس
............لا صار ما للرجــل داع دعاهــا
تصير بعيون الرفاقه معك باس
.............لاصار ماتدعى تره من عناها
يصير قالات ويصير لولاس
.............ونوبن من الادنين ياتي بلاها
قلبك يصير ويضرب القلب عوماس
...........والنفس تقدح عقب زايد غلاها
خلك على بابك تقل لون حراس
.............لاجو عليهن محترين عشاها
لاجن مع الخل الشمالي لها اضراس
...........والكل تشكي رجلها من حفاها
نرحب بهم من قبل تجديع الالباس
..........ونقلط لهم تمر الحلا من نماها
ونذبح لهم كبش مربى بالاطعاس
...........ونقلطه من قبل يقرب مساها
هذي سلوم جدودنا قبل من راس
..........واللي بعدنا كــان ربي هداهـا





ولكم مني جزيل الشكر



هذا اول موضوع لي والقصيده مكتوبه من ضمن القصائد عن القهوه العربيه اللي كتبها اخوي /

رميزان بن غشام ..

بالمنتدى في منتدى الشعر الشعبي وانا بحط لها الرابط الصوتي لها ... وإن شاء الله انها ماتكون مكرره


وان شاء الله انها تحوز على القليل من رضاكم ...



http://www.qassimy.com/w7a/shilatqassimy3.rm

مشكووووووووووور بس كأني قاريها في جــــــــــــــدار بقاله وبعدين وش عنده اخوك

رميزان بن غشام


تكفى يــتتا الفراعنه والله انه نصاب يـــــــــــــــــــا منادي